СЕРГЕЙ МЕЛИКОВА ХIА КУРАРИГI ГIАЯ ИНСАНАРИС СА ЯГЪАН ВАЖИБ МИХАЙЛОВСКИЙ РАЙОНДИС КУМАК БАДАЛДИ ГЬИКУБ ГЬУЧИХЬУНЕ

Дагъусттандин хIатти ппара лазим иде суаларихъас акьуне мегIрака. Ме мегIракайил Сергей Меликова хIа курарил але инсанарис гьучихьуне са ягъан важиб кумак бадалди Запорожский областин Михайловский райондис гьикуб. Ме ахттилатин хабар Рдйин хIаттин Администрацин телеграмм — каналиъ ихьуне. Ме пулукес хубджи кумак хьасе ме райондин аккуьшуна джигагьар ккегъдивуна арайил акьубан рекъуьъ. Ме зарар йиная инсанара алтухъ гъилариъ адаваттар э. ХIапай яш хьу инсанар э. «Хьин кумак акьуна кканде ягIайин ягъанис ме кумак лазимди ай четин хIелдиъ архьу инсанарис», — пуне республикайин вакили. Хъара ми ахъакьуне тисаъ ая къайдабурихъасра. Фиштти киевский режимди ул ибур дайирцIанди атуна айчин ме райондин джемеIет. Фадихьуттар суман э мебур. Самуз дахи суман мидас ахтармиш акьас ушуне са кIватIал инсанар ме райондиди. Ме ус агу инсанарин ахттилатарилди, яракьари аккету джигагьар кидавайра, хIа пай социальный джигагьар ппара авалдинттар э. Алийихаб мич баджат батIар акьасра кехIей алучIуна уй ме усар. ЯгIайин ягъас Михайловский райондиди 60 тонн дегьен кумакин къакъ рекъуьл акьуна ая. Гьемиштти хабдира кумакин кар давам акьасе. «Ке удигьай арайил акьас алучIуна кканде хьин мисариъ махьтабар, хъара джуре гIилмин идарабура. Мебур лазим иде вахтт хъучаверегунас, батIар акьубан курар ккиркIуна кканде. Хъара вахттуни хIезур акьуна хъучихьуна кканде цулинра Iурдин иде-дава хIезурвелара», — хъучихьуне Сергей Меликова.

Салихат Малагусейнова