Агъул райондин джигьила камширин джавиз гъушуне

Гьеме исан 13-пе февральди Махачкалайиъ дахъуне дзюдойин мегIрака. Мисаъ ишттараквел акьуне джигьил шиникквари 23 иссахъди рукьу яшаринттари.

Гьеме исан 13-пе февральди Махачкалайиъ дахъуне дзюдойин мегIрака. Мисаъ ишттараквел акьуне джигьил шиникквари 23 иссахъди рукьу яшаринттари. Мисаъди унахъуна уйи афганский дегIвин ишттаракчивел акьуттарисра.

Гьеме мегIракайиъ гIай уйи Агъул райондин Типпигъарин хIурин ДЮСШ №1 ккиркIу джигьилар, гьер мукьариъ хураттар. Гьеме мегIракайиъ хьибудпе мукьуйин камширин джавиз къазамиш акьуне Мурад Байрамова. Мурад Байрамов айчIуна уйи 60 кг аттарихъай.

Гьеме къайдайиас гъалибвел гъушанас айчlуне 50 спортсмен. Ме зурбавеларин гьунараригI загьматра ппара гIая тренердин, спорсменар бадала йиркIв фай кар аркьаяттин. Тренер Баджаев Магомедан гъиликк ккея спортсменари давамлувел аркьая зурбавелдин гьунарар, агвар аркьай чиппихъас йиркIвар руцIаттарис баттар укъубар, райондис зурбавелдин машгьурвелдин кьимат кьазамиш аркьай.

Кlвал акьасе, Мурад Байрамов Агъул райондин Типпигъарин хIуриас э. Мишттин гьунарар гъушугуна, Iари райондин инсанар дава шад вереф, дадар-бабаринра йиркIвар гьава ве. Фас пучин, гьер са зурба шиникквдин кьабахъ йиркIвар руцIай хъаве дадна баб.

Гасукаева Наибет

Источник

Предложить новость